Finndu það sem hentar hverju sinni á einfaldan hátt. Þú velur þér áhugaverðan matarflokk og skoðar uppskriftirnar sem tilheyra honum. Þú finnur örugglega eitthvað gott í matinn þannig.
Marengs súkkulaðidraumur
Bakaðar kjúklingbringur, fylltar með ferskum kryddjurtum og rjómaosti
Fyrir 4
Hitið ofninn í 180˚C. Stappið saman rjómaost og ferskar kryddjurtir. Saltið og piprið lítillega. Smyrjið fyllingunni inn í bringurnar. Lokið lauslega fyrir með tannstönglum. Saltið og piprið kjúklingin að utan og dreypið smávegis af olíu yfir. Setjið kjúklingabringurnar í eldfast mót í miðjum ofninum og bakið í 10 mínútur. Á meðan eru paprikurnar fylltar.
Skerið ofan af paprikunum og fræhreinsið þær að innan. Blandið saman hrísgrjónafyllinguna. Setjið 1/3 af ostinunum í botninn á paprikunum. Setjið hrísgrjónafyllinguna í paprikurnar til hálfs. Bætið 1/3 af fetaostinum ofan á. Fyllið paprikurnar og setjið afganginn af ostinum ofan á. Setjið fylltu paprikurnar inn í ofninn með kjúklingnum. Hækkið hitann í 200˚C og bakið áfram í 15 mínútur eða þar til að kjúklingabringurnar eru eldaðar í gegn.
Berið fram með salati og léttsoðnu grænmeti s.s. snjóbaunum eða öðru góðu grænmeti og rjómafyllingunni sem hefur lekið úr kjötinu.
Bakaðar kjúklingbringur, fylltar með ferskum ...
Epla pönnukökur með jarðarberjum og grískri jógúrt
Fyrir 12
1. Hrærið fyrstu fimm hráefnunum saman. Bætið þá eplabitunum saman við.
2. Hitið teflonpönnu og hafið stillt á meðalhita. Látið örlitla olíu á pönnuna ef þurfa þykir.
3. Setjið góða matskeið af deigi á pönnuna og steikið varlega í u.þ.b. fimm mínútur hvora hlið. Hægt er að baka nokkrar pönnukökur í einu.
4. Berið fram með berjum, grískri jógúrt og hlynsírópi eða hunangi.
Tortillapizzur með kjúklinga- og grænmetis fajitas og grænni grískri jógúrtsósu
Fyrir 4
1. Setjið fyrstu 11 hráefnin í skál og hrærið varlega saman. Látið bíða á meðan tortillapizzurnar og sósan eru útbúin.
2. Þegar sósan og tortillapizzurnar eru tilbúnar þá er kjúklingurinn og grænmetið steikt á pönnu þar til kjúklingurinn er gegnum eldaður.
3. Setjið græna gríska jógúrtsósu á tortillapizzurnar. Magn fer eftir smekk. Látið síðan kjúkling og grænmeti ofan á. Síðan meiri sósu og toppið með rifnum osti. Kreistið loks límónusafa yfir.
Græn grísk jógúrtsósa:
Maukið öll hráefnin saman með töfrasprota eða notið matvinnsluvél. Geymið.
Tortillapizzubotnar:
1. Setjið heilhveiti, salt og olíu í skál. Hellið síðan sjóðandi vatni yfir og hrærið. Hnoðið örstutt.
2. Mótið eina rúllu úr deiginu og skiptið henni í átta jafna bita. Fletjið hvern bita út í köku sem er u.þ.b. 20 cm í þvermál. Bakið á þurri pönnu, báðum megin, þar til gullið. Geymið undir klút.
Skyrterta
Fyrir 1
1. Stillið ofninn á 200°C.
2. Hrærið öllu saman í skál sem á að fara í botninn. Þrýstið deiginu niður/fletjið
með höndunum annað hvort í eldföstu móti sem er 24 cm í þvermál eða notið
lausbotna hringform af sömu stærð. Látið deigið ná upp á kanta formsins. Bakið í
ofninum í 12 - 15 mínútur. Kælið.
3. Hrærið fyrstu þremur fyllingarhráefnunum saman og setjið jafnt á bökubotninn.
4. Raðið berjum eða ávöxtum yfir og skreytið með kókosflögum og myntu ef vill.
Grófar hindberjamúffur
Fyrir 8
1. Stillið ofninn á 160°C.
2. Hrærið öllum þurrefnunum saman í skál. Setjið síðan restina saman við, nema hindberin. Hrærið varlega en bara stutt.
3. Setjið pappamuffinsform í muffinsmót. Hálffyllið hvert form af deigi. Setjið helminginn af berjunum í formin og þrýstið niður. Látið síðan restina af deiginu þar ofan á og loks afganginn af berjunum. Bakið í 25-30 mínútur.
Grillaðir ávextir og ber með jógúrt
Fyrir 4
1. Stillið ofninn á grill.
2. Setjið ávextina og súkkulaðið í skál. Dreifið síðan niður í fjögur lítil eldföst form eða bolla. Eins má setja allt í eitt stórt eldfast mót.
3. Hellið jógúrtinni jafnt yfir.
4. Stráið sykrinum yfir. Setjið í ofninn og grillið þar til sykurinn fer að brúnast. Berið strax fram.
Salat með fetaosti, steiktum perum og valhnetum
Fyrir 4
1. Setjið sykur, vatn og pipar á pönnu og látið sjóða þar til sykurinn er uppleystur. Steikið þá perusneiðarnar í stutta stund. Takið af pönnunni og látið hneturnar út á og veltið þeim upp úr sykurbráðinni. Setjið síðan á bökunarpappír.
2. Hrærið fyrstu fjórum hráefnunum saman sem eiga að fara í salatsósuna. Hellið síðan olíunni saman við smátt og smátt. Geymið.
3. Hellið salatsósunni yfir salatið. Leggið salatið á fat, raðið perum og hnetum ofan á og sáldrið síðan fetaostinum yfir.
Kúskússalat með fetaosti, ofnbökuðum sætum kartöflum og jógúrtsósu
Fyrir 4
1. Stillið ofninn á 200°C.
2. Takið fram eldfast mót og setjið kartöfluteninga í mótið. Hellið ólífuolíu og kryddinu, appelsínusafa og hlynsírópi yfir. Blandið öllu vel saman. Saltið örlítið. Bakið í u.þ.b. 30-40 mínútur eða þar til kartöflurnar eru tilbúnar.
3. Hrærið öllu saman sem á að fara í sósuna og smakkið til með hunangi og sjávarsalti.
4. Látið kúskúsið í skál og sjóðið appelsínusafann eða vatnið og hellið yfir. Þekið með álpappír og látið standa í 5 mínútur. Hrærið í með gaffli. Blandið síðan saman við kartöflurnar og vökvann sem kemur af þeim.
5. Setjið baunirnar í sigti og hellið sjóðandi vatni yfir þær.
6. Raðið spínati á stórt fat eða á fjóra diska. Setjið kartöflurnar þar ofan á, síðan
kjúklingabaunir, lauk, trönuber, hnetur eða fræ og kóríander. Toppið með muldum Dala fetaosti. Berið fram með jógúrtsósunni.
Spínatbollur með kotasælu og kirsuberjatómata-salati
Fyrir 4
1. Hrærið saman í skál fyrstu þremur hráefnunum sem eiga að fara í salatið. Smakkið til með salti og pipar. Setjið tómatana og basilíkuna saman við. Geymið.
2. Blandið saman öllum bolluhráefnunum. Ef blandan er of blaut bætið þá meira heilhveiti út í. Mótið bollur sem eru u.þ.b. 1 kúfuð matskeið að stærð. Sáldrið heilhveiti á borðplötu og rúllið bollunum upp úr. Leggið á heilhveitistráð fat.
3. Takið fram víðan pott og sjóðið vatn. Setjið bollurnar í hollum í pottinn og sjóðið þar til þær fljóta upp úr, u.þ.b. 3 mínútur. Leggið til hliðar.
4. Hitið olíuna á pönnu og steikið bollurnar þar til gullnar. Blandið þeim síðan varlega saman við kirsuberjatómatasalatið.
Gulrótar eða sæt kartöflusúpa með sýrðri eplasósu
Fyrir 4
Súpa:
1. Hitið olíuna í potti og steikið sinnepsfræin þar til þau fara að poppa. Setjið laukinn saman við og steikið þar til hann verður glær.
2. Bætið karríinu / garam masala saman við ásamt grænmetinu. Steikið stutta stund og hrærið í.
4. Setjið tómatmaukið saman við og síðan vatn og kraft. Látið malla í 15-20 mínútur. Maukið þá súpuna með töfrasprota eða setjið í matvinnsluvél.
5. Látið súpuna aftur í pottinn. Bætið fersku kóríander og appelsínusafa saman við. Smakkið til með sjávarsalti og appelsínusafa eins og þurfa þykir. Berið fram með sýrðri eplasósu.
Sýrð eplasósa:
1. Hrærið öllum hráefnum saman og berið fram með gulrótarsúpunni.
Kúrbítslasagne með kotasælu, spínati og basilíku og heimagerðri tómatsósu
Fyrir 4
Tómatsósa aðferð:
1. Hitið olíu í pott og setjið hvítlauk, rauðar piparflögur og basilíku út í. Steikið þar til ilma fer. Hellið tómötunum út í. Hrærið og látið malla í 15 mínútur.
2. Maukið með töfrasprota eða setjið í matvinnsluvél. Má sleppa. Notið sósuna við samsetningu á réttinum.
Lasagne aðferð:
1.Stillið ofninn á 180°C.
2.. Leggið kúrbítssneiðarnar í fat og hellið ólífuolíu yfir. Sáldrið ½ tsk. af salti og oregano og timjan yfir. Blandið varlega sama. Geymið.
3. Blandið saman í skál öðrum hráefnum. Smakkið til með salti og pipar.
4. Olíuberið eldfast mót. Setjið nokkrar matskeiðar af tómatsósunni á botninn. Raðið ⅓ af kúrbítssneiðum þar ofan á. Setjið síðan ⅓ af kotasælusósunni þar yfir. Endurtakið tvisvar sinnum í viðbót. Hellið síðan tómatsósunni yfir. Sáldrið ostinum ofan á og bakið í 20 mínútur. Sáldrið furuhnetum yfir og berið fram
Glóðarsteiktur fiskur með grænmeti og sýrðri rjómasósu
Fyrir 4
1.Stillið ofninn á 180°C.
2. Leggið fiskinn í eldfast mót. Sáldrið salti og pipar yfir.
3. Hitið olíu á pönnu og steikið karríið og laukinn. Bætið, eplabitum, papriku og vínberjum saman við. Setjið yfir fiskinn.
3. Hrærið saman sýrðum rjóma, paprikuosti, hrásykri, chilisósu og sítrónuberki. Hellið yfir fiskinn. Sáldrið osti yfir og bakið í 15-20 mínútur. Stráið steinselju yfir og berið fram með hýðishrísgrjónum og fersku salati.
