Sætkartöflu taco með smashburger sósu

Skref1

• Skolið sætar kartöflur eða flysið hýðið af þeim.
• Skerið kartöflurnar í þunnar sneiðar og raðið á ofnplötu með bökunarpappír.
• Dreifið smá olíu yfir og kryddið með salti og pipar.
• Bakið í ofni í um 15-20 mín. við 200°C.

Skref2

• Á meðan kartöflurnar eru í ofninum græjum við sósu og steikjum hakkið.
• Öllum innihaldsefnunum í sósuna er blandað saman í skál ásamt fínt niðurskornum súrum gúrkum.
• Við mælum alveg með að gera tvöfalda uppskrift af sósunni, hún er svo góð og fínt að eiga smá afgang til að setja á hamborgara.
• Kryddið hakkið með taco kryddi og steikið á pönnu.

Skref3

• Þegar kartöflurnar hafa bakast í um 15-20 mínútur er hakkinu dreift yfir á ásamt rauðlauknum og súru gúrkunum.
• Hellið rifnum cheddar osti yfir hakkið og hitið áfram í ofninum þar til osturinn hefur bráðnað eða í 10-15 mínútur.

Skref4

• Takið réttinn úr ofninum og setjið fínt niðurskorið kál ofan á ásamt smá sósu.
• Hafið auka sósu í skál við hliðina á til að hægt sé að bæta meiri sósu á réttinn eftir smekk hvers og eins.

Höfundur: Helga Magga