Ferskur aspas með ostasósu

Skref1

• Hitið ofn í 200 gráður.
• Raðið aspasinum á smjörpappír sem er á ofnplötu eða í eldfast mót, ekki of hátt.
• Flott að raða honum í tvær raðir þar sem skornir endarnir lenda saman.

Skref2

• Bakið upp sósuna; bræðið smjör, hrærið hveiti saman við smjörið í nokkrum hlutum og úr verður hveitibolla.
• Hellið mjólk saman við í nokkrum hlutum og hrærið stanslaust, jafnt og þétt þar til úr verður hvítur jafningur, kekkjalaus og mjúkur. Tekur 2-3 mínútur og látið suðuna halda sér.
• Kryddið.
• Setjið rifinn ost saman við og hrærið þar til osturinn er bráðinn.

Skref3

• Hellið sósunni yfir miðju aspasins og stráið smá af rifnum osti yfir.
• Setjið í ofn í um 10 mínútur eða þar til aspasinn er eldaður í gegn og osturinn gullinn.

Höfundur: Halla Bára Gestsdóttir