Ekta vínarsnitsel frá grunni og bakaðar perur

Skref1

• Fletjið kálfakjötið út og berjið með hamri.
• Saltið og piprið.

Skref2

• Veltið kjötinu upp úr hveiti, svo eggjablöndu og heimagerðri brauðmylsnu eða tilbúinni.

Skref3

• Svo er að undirbúa perurnar.
• Fyrst eru þær flysjaðar, skornar í tvennt, síðan velt upp úr góðri jómfrúarolíu og þá sett salt og pipar yfir þær.
• Kjarninn er fjarlægður og í staðinn komið fyrir góðum bita af blámygluosti.
• Perurnar eru bakaðar í ofni í 35 mínútur við 180°C hita.
• Þegar perurnar eru tilbúnar eru þær skreyttar með ristuðum valhnetum og smátt skorinni steinselju.

Skref4

• Steikið kjötið í smjöri við miðlungshita í 2-3 mínútur á hvorri hlið og setjið í 150°C heitan ofn í 10 mínútur.
• Berið fram með heimatilbúnu krydd- eða hvítlaukssmjöri að eigin vali.

Höfundur: Ragnar Freyr Ingvarsson