- +

Ferskur aspas með ostasósu

Innihald:
1 búnt ferskur aspas, snyrtur og endar skornir af
2 msk. smjör
75 g hveiti
5 dl mjólk
1 tsk. gott sinnep
½ tsk worcestershire sósa
½ tsk. salt
½ tsk. svartur pipar
3½ dl rifinn ostur, t.d. Óðals cheddar, parmesan eða annar góður ostur

Aðferð:

Réttur sem hentar sem matur á smáréttaborð, í veisluna, með grillmatnum. Ferskur aspas sem bakaður er upp í ostasósu er góður sem máltíð, forréttur eða meðlæti.

 

Hitið ofn í 200 gráður. Raðið aspasinum á smjörpappír sem er á ofnplötu eða í eldfast mót, ekki of hátt. Flott að raða honum í tvær raðir þar sem skornir endarnir lenda saman.

Bakið upp sósuna; bræðið smjör, hrærið hveiti saman við smjörið í nokkrum hlutum og úr verður hveitibolla. Hellið mjólk saman við í nokkrum hlutum og hrærið stanslaust, jafnt og þétt þar til úr verður hvítur jafningur, kekkjalaus og mjúkur. Tekur 2-3 mínútur og látið suðuna halda sér. Kryddið. Setjið rifinn ost saman við og hrærið þar til osturinn er bráðinn.

Hellið sósunni yfir miðju aspasins og stráið smá af rifnum osti yfir. Setjið í ofn í um 10 mínútur eða þar til aspasinn er eldaður í gegn og osturinn gullinn. 

Höfundur: Halla Bára Gestsdóttir