Vorlegur ostabakki

Eitt það skemmtilegasta sem ég geri er að föndra saman fallega ostabakka. Það er um að gera að leyfa hugmyndafluginu að ráða för en hafa nokkur atriði í huga. Gott er að byrja á að raða skálum, gjarnan á fæti, stærri hlutum og ostunum á bakkann. Skera flesta ostana í handhæga bita og enda svo á að fylla upp með litríkum berjum, sælgæti, salami, kexi og því sem manni dettur í hug. Þessi bakki hentar fullkomlega fyrir vor, páska, fermingar og hvaða tilefni sem er.