Vanilluskyrterta með piparkökubotni

Skref1

• Setjið piparkökur í matvinnsluvél og hakkið þar til piparkökurnar verða fínmalaðar.
• Bræðið smjör og blandið því saman við, hrærið þar til smjörið hefur bleytt vel upp í piparkökunum.

Skref2

• Setjið piparkökublönduna í meðalstórt form og þrýstið vel niður og upp á hliðar formsins.
• Gott er að nota botninn á glasi til þess að þrýsta piparkökublöndunni niður og upp á hliðarnar.
• Geymið í kæli á meðan þið undirbúið skyrblönduna.

Skref3

• Þeytið rjóma og blandið saman við skyrið með sleif.
• Blandið flórsykri saman við og hrærið þar til blandan er orðið mjúk og slétt.

Skref4

• Hellið skyrblöndunni yfir botninn og sléttið vel úr.
• Gott er að skreyta kökuna með þeyttum rjóma og piparkökum.
• Geymið kökuna í kæli þar til hún er borin fram.

Höfundur: Thelma Þorbergsdóttir