Vanillupannacotta með jarðarberjum

Skref1

• Byrjið á því að leggja gelatínblöðin í kalt vatn í nokkrar mínútur svo þau verði mjúk.

Skref2

• Hellið rjómanum í pott ásamt nýmjólkinni og hitið.

Skref3

• Næst er að kljúfa vanillustöngina og hreinsa út fræin.
• Setjið þau saman við rjómann og mjólkina og hrærið vel.
• Það er ágætt að setja sjálfa vanillustöngina með, einnig á meðan rjóminn er hitaður þar sem það gefur aukið bragð.

Skref4

• Hitið að suðu, lækkið undir og látið standa í nokkrar mínútur til að vanillan bragðbæti rjómann eins mikið og unnt er.
• Hrærið svo gelatínblöðunum saman við þannig að þau leysist alveg upp í vanillurjómanum.

Skref5

• Látið svo kólna í smástund og hellið svo yfir í mót eða glös.
• Setjið í kæli í 4 klukkustundir svo að búðingurinn nái að stífna.

Skref6

• Næst eru það jarðarberin. Skolið þau, skerið laufin af, saxið gróflega og setjið í pott með vatninu.
• Hleypið upp suðunni.
• Bætið sultunni saman við og og sjóðið niður (í 20-30 mínútur við lágan hita) þannig að úr verði þykkur grautur.
• Látið kólna aðeins og hellið honum svo í gegnum sigti þannig.
• Þá eruð þið búin að útbúa coulis sem má í raun nota í hvað sem er.
• Með skeið setjið þið coulisinn varlega ofan á stífan búðinginn.
• Toppið með jarðarberjum.

Höfundur: Ragnar Freyr Ingvarsson