Tyrknesk egg með grískri jógúrt
"Turkish eggs" eða tyrknesk egg smakkaði ég fyrst þegar ég fór í bröns á veitingastaðnum Sól í Hafnarfirði. Ég hafði aldrei fengið svona áður og heillaðist strax, bæði af útlitinu og bragðinu. Þetta er einfalt og til dæmis frábært í brönsinn, einnig hægt að gera tvöfalda eða stærri uppskrift og setja á stærri bakka fyrir fleiri til að deila með ristuðu baguette brauði.
Innihald
2 skammtar
grísk jógúrt frá Gott í matinn
hvítlauksrif, rifin
kóríander, saxað
sítróna, börkurinn
egg
ólífuolía
smjör
chillimauk
•
salt og pipar
•
ristað baguette brauð
| grísk jógúrt frá Gott í matinn | |
| hvítlauksrif, rifin | |
| kóríander, saxað | |
| sítróna, börkurinn | |
| egg | |
| ólífuolía | |
| smjör | |
| chillimauk | |
| • | salt og pipar |
| • | ristað baguette brauð |
Skref1
- Pískið saman gríska jógúrt, rifinn hvítlauk, kóríander og rifinn sítrónubörk. Kryddið eftir smekk.
- Skiptið blöndunni niður á tvo diska og smyrjið aðeins úr henni.
- Ristið baguette sneiðar í ofni við 200° með smá ólífuolíu þar til þær brúnast örlítið (3-5 mín).
Skref2
- Útbúið hleypt egg með því að sjóða vatn í potti, þegar suðan er komin upp má lækka aðeins hitann og búa til spíral í vatnið með því að snúa því í hringi með sleif.
- Brjótið hvert egg í bolla og setjið eitt egg í einu út í vatnið. Leyfið um 10 sekúndum að líða á milli eggja.
- Stillið klukkuna á 3 mínútur og veiðið eggin svo uppúr með gataspaða og færið yfir á eldhúspappír.
- Gott er að gera tvö egg í einu til að ruglast ekki á þeim.
Skref3
- Bræðið á meðan ólífuolíu, smjör og chillimauk saman og setjið réttinn loks saman.
- Leggið tvö egg ofan á jógúrtblönduna á hvorum disk, skiptið chilli-olíunni á milli með því að setja hana yfir og toppið með smá rifinni sítrónu og kóríander.
- Njótið með ristuðu baguette.
Höfundur: Berglind Hreiðarsdóttir