Truflað fajitas með tempura risarækjum

Risarækjur

• Affrystið rækjurnar og setjið í skál ásamt vatni og kryddi og marinerið í 30 mínútur að lágmarki.
• Blandið saman þurrefnum fyrir tempura deig og hrærið vökvanum saman við. Látið bíða a.m.k. í hálftíma.

Mangó salsa

• Afhýðið mangóið og skerið í litla bita, setjið í skál.
• Saxið laukinn, chili og kóríander og setjið saman við.
• Kælið.

Chipotle sýrður rjómi

• Setjið hráefnin saman í litla skál og hrærið vel saman.

Steikt grænmeti

• Skerið papriku og rauðlauk í sneiðar og steikið upp úr ólífuolíu á heitri pönnu.
• Kryddið með salt og pipar eftir smekk.

Samsetning

• Dýfið rækjunum út í deigið og djúpsteikið í djúpsteikingarpotti eða í heitri olíu (180°) í þykkbotna potti.
• Það tekur örskamma stund að steikja rækjurnar, fylgist vel með og setjið beint á eldhúsbréf þegar þær koma úr pottinum.
• Hitið tortillurnar á þurri pönnu og raðið svo öllu góðgætinu á kökurnar.
• Mangó salsa, steikt grænmeti, tempura rækjur, tómatar, avocado, chipotle sýrður rjómi og ferskur kóríander yfir.
• Njótið - njótið - njótið!

Höfundur: Valgerður Gréta Gröndal