Tómatsúpa með ostakubb
Þessi tómatsúpa er æðislega góð og matarmikil, fullkomin á köldum vetrardögum. Þegar ég fer til New York fer ég alltaf á sama staðinn til að fá mér tómat og fetaosta súpu og ákvað að reyna að gera svipaða súpu og það heppnaðist svona líka vel.
Innihald
4 skammtar
litlir tómatar
niðursoðnir tómatar (1 dós)
Ostakubbur frá Gott í matinn
laukur
rauð paprika
hvítlauksrif
vatn
grænmetisteningur
•
fersk basilíka
•
ólífuolía
•
salt og pipar
| litlir tómatar | |
| niðursoðnir tómatar (1 dós) | |
| Ostakubbur frá Gott í matinn | |
| laukur | |
| rauð paprika | |
| hvítlauksrif | |
| vatn | |
| grænmetisteningur | |
| • | fersk basilíka |
| • | ólífuolía |
| • | salt og pipar |
Skref1
- Byrjið á að hita ofninn í 200°C blástur.
- Skerið tómata, lauk og papriku niður og setjið í ofnskúffu eða eldfast mót með olíu, salti og pipar.
- Hitið í 25 mínútur eða þar til allt hefur tekið góðan lit án þess að brenna.
Skref2
- Setjið vatn í pott og leysið upp grænmetisteninginn og bætið svo niðursuðu tómötunum saman við og látið sjóða í nokkrar mínútur ásamt pressuðum hvítlauk og smá salti og pipar.
- Takið svo grænmetið úr ofninum þegar það er tilbúið og setjið ofan í pottinn.
- Þið getið bæði maukað súpuna í pottinum með töfrasprota eða sett hana í blandara.
Skref3
- Súpan er svo sett í skálar og borin fram með ferskri basiliku og muldum ostakubb.
- Það er ekki verra að hafa gott súrdeigsbrauð með og svo er einnig hægt er að sjóða smá pasta og setja út í súpuna til að gera hana ennþá matarmeiri og barnvænni.
Höfundur: Gígja S. Guðjónsdóttir