Menu
Tiramisú snúðar

Tiramisú snúðar

Það er fátt betra en nýbakaðir, mjúkir snúðar og þessir eru svo sannarlega eitthvað til að prófa! Hér mætast bragðheimar tiramisu og klassískra snúða með dásamlegri kaffifyllingu, mjúkum og djúsí snúðabotni og silkimjúku mascarpone-kremi. Algjör draumur fyrir kaffi- og tiramisuunnendur!

Innihald

12 skammtar

Snúðadeig

smjör
nýmjólk
vatn
þurrger
sykur (+ 1 msk.)
egg
salt
vanilludropar
hveiti

Kaffifylling og áhelling

smjör við stofuhita
púðursykur
bökunarkakó
instant kaffiduft (fínt)
vanilludropar
rjómi
uppáhellt kaffi

Mascarpone krem

Mascarpone ostur frá Gott í matinn, við stofuhita
rjómaostur frá MS, við stofuhita
flórsykur
vanilludropar
rjómi
• bökunarkakó til að sigta yfir

Snúðadeig - aðferð

  • Bræðið smjörið í potti. Bætið mjólk og vatni saman við og hitið þar til blandan er ylvolg.
  • Hrærið 1 msk. af sykri saman við og bætið þurrgerinu út í. Leyfið blöndunni að standa í um 5 mínútur á meðan önnur hráefni eru undirbúin.
  • Setjið sykur, egg, salt og vanilludropa í hrærivélarskál og blandið saman með hnoðkróknum.
  • Hellið gerblöndunni saman við og hrærið á lágum hraða. Bætið hveitinu smám saman út í.
  • Hnoðið deigið þar til það hefur blandast vel saman og er orðið mjúkt og samfellt. Takið það úr skálinni og mótið kúlu á borðinu.
  • Smyrjið skál að innan með matarolíu og veltið deigkúlunni upp úr olíunni. Setjið plastfilmu yfir skálina og látið deigið hefast á hlýjum stað í 1½–2 klukkustundir eða þar til það hefur tvöfaldast að stærð.
  • Setjið deigið á hveitistráðan flöt og þrýstið því varlega út með fingrunum. Mótið rétthyrning, um 30 x 40 cm að stærð.

Kaffifylling og áhelling - aðferð

  • Hitið ofninn í 180°C.
  • Hrærið saman smjöri, púðursykri, kakói, instant kaffidufti og vanilludropum þar til allt hefur blandast vel saman.
  • Smyrjið fyllingunni jafnt yfir deigið. Rúllið deiginu þétt upp frá lengri hliðinni.
  • Skiptið niður í 12 hluta.
  • Smyrjið eldfast mót eða kökumót vel með smjöri og raðið snúðunum í mótið með smá bili á milli þeirra.
  • Hellið rjómanum jafnt yfir snúðana.
  • Bakið í 18–20 mínútur eða þar til þeir eru orðnir fallega gylltir á köntunum og bakaðir í gegn.
  • Þegar snúðarnir koma úr ofninum er uppáhellta kaffinu hellt jafnt yfir þá alla.
  • Leyfið snúðunum að kólna á meðan kremið er útbúið.

Mascarpone krem - aðferð

  • Setjið mascarpone, rjómaost, flórsykur, vanilludropa og rjóma í hrærivélarskál.
  • Hrærið með K-inu þar til kremið er orðið slétt, mjúkt og vel blandað. Varist að hræra of lengi.
  • Smyrjið kreminu ríkulega yfir kælda snúðana og sigtið bökunarkakó yfir allt saman.
Mascarpone krem - aðferð

Höfundur: Berglind Hreiðarsdóttir