Tiramisú
Tiramisú er klassískur eftirréttur sem klikkar aldrei og er í miklu uppáhaldi hjá Gott í matinn teyminu. Rétturinn er einstaklega bragðgóður og kaffibragðið smellpassar við silkimjúka ostablönduna.
Innihald
4 skammtar
egg
sykur
íslenskur Mascarpone frá Gott í matinn
vanilluduft eða vanillusykur
rjómi frá Gott í matinn, þeyttur
kökufingur (Lady fingers)
sterkt uppáhellt kaffi
kakó eftir þörfum
súkkulaði, smátt saxað (má sleppa)
| egg | |
| sykur | |
| íslenskur Mascarpone frá Gott í matinn | |
| vanilluduft eða vanillusykur | |
| rjómi frá Gott í matinn, þeyttur | |
| kökufingur (Lady fingers) | |
| sterkt uppáhellt kaffi | |
| kakó eftir þörfum | |
| súkkulaði, smátt saxað (má sleppa) |
Skref1
- Stífþeytið egg og sykur saman þar til þykk froða myndast.
- Blandið Mascarpone ostinum saman við og hrærið vel.
- Bætið vanillu og rjóma varlega saman við með sleif.
Skref2
- Setjið kaffi í skál.
- Veltið kökufingrunum upp úr kaffinu og raðið þeim í há glös.
- Setjið 2-3 msk. af ostablöndunni ofan í og sigtið vel af kakó yfir.
- Ýmist má hafa kexið í botni og blönduna ofan á eða hafa réttinn lagskiptan.
Skref3
- Það er fullkomið að saxa niður dökkt súkkulaði og sáldra yfir í lokin en er ekki nauðsynlegt.
- Látið eftirréttinn standa í kæli í lágmark 3 klst. (helst yfir nótt) áður en hann er borinn fram.
Höfundur: Eva Laufey Kjaran Hermannsdóttir