Tikka masala með grill- og pönnuosti
Dásamlega bragðmikið tikka masala þar sem Grill- og pönnuosturinn fær að vera í aðalhlutverki. Osturinn er steiktur þar til hann verður fallega gylltur og fær svo að njóta sín í kryddaðri og rjómakenndri tikka masala sósu. Fullkomið með hrísgrjónum, naanbrauði, fersku kóríander og lime. Réttur sem slær í gegn hjá öllum við matarborðið!
Innihald
4 skammtar
Grill- og pönnuostur frá Gott í matinn
laukur
hvítlauksrif
ferskt engifer
smjör
tómatpúrra
niðursoðnir hakkaðir tómatar
rjómi frá Gott í matinn
vatn, ½–1 dl eftir þörfum
garam masala
malað cumin
malað kóríander
túrmerik
paprikuduft
•
chiliflögur eftir smekk
hunang eða sykur, eftir smekk
•
salt
•
smjör eða olía til steikingar
Meðlæti
•
basmati hrísgrjón
•
naan brauð, (hér var notuð keypt pizzakúla sem var skipt niður í sex bita, flatt út og steikt á pönnu)
•
ferskt kóríander
•
límóna
| Grill- og pönnuostur frá Gott í matinn | |
| laukur | |
| hvítlauksrif | |
| ferskt engifer | |
| smjör | |
| tómatpúrra | |
| niðursoðnir hakkaðir tómatar | |
| rjómi frá Gott í matinn | |
| vatn, ½–1 dl eftir þörfum | |
| garam masala | |
| malað cumin | |
| malað kóríander | |
| túrmerik | |
| paprikuduft | |
| • | chiliflögur eftir smekk |
| hunang eða sykur, eftir smekk | |
| • | salt |
| • | smjör eða olía til steikingar |
| • | basmati hrísgrjón |
| • | naan brauð, (hér var notuð keypt pizzakúla sem var skipt niður í sex bita, flatt út og steikt á pönnu) |
| • | ferskt kóríander |
| • | límóna |
Skref1
- Skerið grill- og pönnuostinn í ca. 2 cm teninga. Hitið smá smjör eða olíu á pönnu og steikið ostinn við frekar háan hita þar til hann er fallega gylltur á öllum hliðum. Takið af pönnunni og leggið til hliðar.
- Saxið laukinn smátt. Rífið eða saxið hvítlauk og engifer smátt.
- Bræðið 2 msk af smjöri á djúpri pönnu eða í potti og steikið laukinn við meðalhita í 5–7 mínútur, þar til hann er mjúkur og farinn að taka örlítinn lit.
- Bætið hvítlauk og engifer út í og steikið áfram í um 1 mínútu.
Skref2
- Bætið garam masala, cumin, möluðu kóríander, túrmerik, paprikudufti og chili út í. Steikið kryddin með lauknum í um 30 sekúndur, þar til þau fara að ilma.
- Bætið tómatpúrrunni út í og steikið áfram í 1–2 mínútur.
- Hellið hökkuðu tómötunum út í og látið sósuna malla við vægan hita í 10–15 mínútur.
Skref3
- Hrærið 1½ dl af rjómanum saman við og látið sósuna malla í nokkrar mínútur. Bætið meiri rjóma eða örlitlu vatni út í eftir þörfum þar til sósan hefur þá þykkt sem óskað er eftir.
- Smakkið til með salti. Ef tómatarnir eru súrir má bæta við um 1 tsk af hunangi eða sykri til að ná góðu jafnvægi í sósuna.
Skref4
- Bætið steikta ostinum út í sósuna rétt áður en rétturinn er borinn fram og hrærið varlega saman. Látið hitna í 1–2 mínútur.
- Berið tikka masala fram með basmati hrísgrjónum og naan brauði. Toppið með fersku kóríander og berið lime-báta fram með.
Höfundur: Helga Ragnarsdóttir