Þriggja hæða marens með súkkulaðikremi og súkkulaðieggjahreiðri

Skref1

• Stillið ofninn á 120°C og blástur.

Skref2

• Stífþeytið eggjahvítur.
• Bætið sykri saman við smátt og smátt og þeytið.
• Setjið kakó og edik út í og hrærið í 2 mínútur til viðbótar.

Skref3

• Mótið þrjá hringi úr marensinum, sem eru um 20 cm í þvermál á ofnplötur klæddar bökunarpappír.
• Bakið í klukkutíma.
• Látið standa í ofninum þar til hann er orðinn kaldur.

Skref4

• Hrærið eggjarauður og sykur saman þar til létt og ljóst.
• Bætið kakói og hveiti saman við.
• Hrærið.

Skref5

• Hitið matreiðslurjóma og rjóma saman í potti að suðu.
• Hellið út í eggjahræruna og hrærið saman.
• Hellið aftur í pottinn og látið malla á lágum hita.
• Hrærið stöðugt í þar til kremið sýður og þykknar. Tekur smá stund.
• Takið þá strax af hellunni og bætið súkkulaði og vanillusykri saman við. Hellið í skál og kælið.

Skref6

• Smyrjið marensbotnana með súkkulaðikreminu og leggið þá saman.
• Toppið með kremi og smá eggjum.
• Berið fram með létt þeyttum rjóma.

Höfundur: Erna Sverrisdóttir