Þorskhnakkar með stökkum ostahjúp
Einstaklega ljúffengur fiskréttur sem tekur enga stund að útbúa. Það er svo gott að nota fjögurra osta blönduna í þennan rétt því bragðmikill osturinn setur svo mikinn svip á réttinn. Í staðinn fyrir ostablönduna má líka rífa sjálfur niður t.d. sterkan Gouda eða Óðals Tind. Með fisknum er ákaflega gott að bera fram nýbakað rúgbrauð með smjöri og létt salat.
Innihald
4 skammtar
þorskhnakkar, 800-900 g
smjör
hvítlauksrif
sítróna
panko brauðraspur
4 osta blanda (1 poki)
•
fersk steinselja, handfylli
•
salt og pipar
Meðlæti
•
rúgbrauð og ferskt salat
| þorskhnakkar, 800-900 g | |
| smjör | |
| hvítlauksrif | |
| sítróna | |
| panko brauðraspur | |
| 4 osta blanda (1 poki) | |
| • | fersk steinselja, handfylli |
| • | salt og pipar |
| • | rúgbrauð og ferskt salat |
Skref1
- Hitið ofn í 200 gráður með blæstri.
- Bræðið smjörið við vægan hita, rífið eða hakkið hvítlauksrifið og bætið út í ásamt berki af einni sítrónu. Leyfið þessu að krauma í 1-2 mínútur og takið af hitanum.
- Bætið raspinum út í ásamt saxaðri steinselju og blandið vel saman.
- Hrærið að lokum ostinum saman við blönduna. Smakkið til með salti og pipar.
Skref2
- Skerið fiskinn í passlega bita og raðið í eldfast mót. Saltið og piprið vel báðum megin.
- Setjið ostablönduna ofan á hvern bita og þrýstið aðeins niður. Það er allt í lagi þó blandan fari aðeins framhjá og á milli bitanna.
Skref3
- Bakið þar til fiskurinn er eldaður í gegn og ostahjúpurinn gullinbrúnn. 15-20 mínútur.
- Berið fram með sítrónubátum, rúgbrauði, smjöri og fersku salati.
Höfundur: Helena Gunnarsdóttir