Þorskhnakkar með parmaskinku og hvítvínsrjómasósu
Svo einstaklega gómsætur en ótrúlega fljótlegur réttur. Ég er mögulega búin að gera þennan nokkrum sinnum á stuttum tíma en hann sló í gegn við fyrstu tilraun. Þessi er vel hæfur í fínasta matarboð eða bara á virku kvöldi þar sem við erum jú öll að reyna að borða fisk aðeins oftar er það ekki?
Innihald
4 skammtar
þorskhnakkar
parmaskinka eða 6 sneiðar
hvítvín eða vatn og smá sítrónusafi
dijon sinnep
capers
sýrður rjómi 18% frá Gott í matinn
salt og pipar, og smjör til steikingar
Blómkálsmús
stór blómkálshaus
smjör
hreinn rjómaostur frá Gott í matinn
salt og pipar
| þorskhnakkar | |
| parmaskinka eða 6 sneiðar | |
| hvítvín eða vatn og smá sítrónusafi | |
| dijon sinnep | |
| capers | |
| sýrður rjómi 18% frá Gott í matinn | |
| salt og pipar, og smjör til steikingar |
| stór blómkálshaus | |
| smjör | |
| hreinn rjómaostur frá Gott í matinn | |
| salt og pipar |
Þorskhnakkar
- Byrjið á að skera þorskhnakkana í um það bil sex jafna bita og vefjið sneið af parmaskinku utan um hvern bita.
- Hitið pönnu og bræðið dálítið smjör. Steikið bitana vel á báðum hliðum og færið upp á disk.
- Hellið hvítvíninu á pönnuna og látið sjóða niður um helming. Setjið sinnep og capers ásamt sýrðum rjóma saman við og látið aðeins malla við vægan hita. Smakkið til með salti og pipar.
- Leggið þorskbitana út í sósuna og klárið að elda þá í gegn.
- Berið fram með blómkálsmús eða grænu salati.
Blómkálsmús
- Skerið blómkálið niður og fjarlægið stilkinn.
- Setjið blómkálið í pott og hellið vatni yfir.
- Hleypið suðunni upp og sjóðið þar til eldað í gegn og mjúkt eða í um 10-15 mínútur.
- Hellið þá vatninu af og látið blómkálið standa í opnum pottinum á hellu með vægum hita í 5 mínútur eða þannig að allt vatn gufar alveg upp.
- Setjið smjörið og rjómaostinn út í og maukið blómkálið með töfrasprota.
- Kryddið vel með salti og pipar og smakkið til.
Höfundur: Helena Gunnarsdóttir