Þjóðleg pönnukökukaka

Pönnukökur

• Hrærið hveiti, sykri, lyftidufti, matarsóda og salti saman í skál.
• Blandið um ¾ af mjólkinni saman við og hrærið þar til kekkjalaust.
• Bætið þá bræddu smjöri, eggjum og vanilludropum út í og hrærið áfram vel, skafið niður á milli.
• Að lokum má svo setja restina af mjólkinni saman við og hræra vel.
• Steikið síðan þunnar kökur á pönnukökupönnu og leyfið aðeins að kólna niður áður en þið raðið kökunni saman.

Fylling

• Þeytið rjómann ásamt flórsykri og vanillusykri þar til hann er stífþeyttur.
• Stappið jarðarberin gróft og blandið saman við rjómann.
• Hitið Nutella aðeins í skál svo auðveldara verði að dreifa því yfir með skeið.

Samsetning

• Það má raða pönnukökunum bara beint ofan á hvor aðra á disk þar til nokkuð hár stafli með fyllingum hefur myndast en mig langaði að prófa að fóðra hana alveg að utan með pönnukökum eftir að hafa séð svipað myndband á netinu um daginn. Þetta var ofureinfalt og skemmtilegt að bera pönnukökur fram á þennan hátt. Uppskriftin gefur um 25 pönnukökur en það þarf aðeins um 12-14 stykki í kökuna sjálfa svo hinar má til dæmis rúlla upp með sykri og bera fram með kökunni.
• Setjið eina pönnuköku í botninn á um 20 cm smelluformi.
• Næst setjið þið 4 pönnukökur á kantinn á forminu svo þær nái yfir kökuna á botninum, innan á allan kantinn og hangi fram af að utanverðu (c.a jafn mikið báðu megin).
• Smyrjið næst þunnu lagi (um ½ cm) af rjóma á botninn, dreifið smá Nutella yfir og setjið næstu pönnuköku ofan á.
• Endurtakið þar til síðasta pönnukakan er orðin jafn há forminu sem þið notið.
• Náið þá í kökudisk og leggið ofan á formið á hvolfi, snúið við með því að halda fast við kökuformið og losið síðan smelluna og fjarlægið formið utan af kökunni.
• Toppið með smá rjóma, Nutella og ferskum jarðarberjum.

Höfundur: Berglind Hreiðarsdóttir