Tex mex pizza

Pizzadeig:

• Hrærið saman vatn, sykur og ger í skál og látið standa í um 10 mínútur eða þar til gerið er farið að freyða.
• Setjið ólífuolíu, salt og hveiti saman við. Gott er að setja hveitið smátt og smátt saman við.
• Hrærið með hnoðara í nokkrar mínútur eða þar til deigið sleppir skálinni.
• Smyrjið skálina með olíu að innan, setjið deigið aftur ofan í og plastfilmu eða rakt viskastykki yfir skálina.
• Látið deigið lyfta sér í klukkustund, best er þó þegar deigið fær nægan tíma til að lyfta sér.
• Takið deigið úr skálinni og hnoðið. Hérna eru þið að berja deigið niður og ná öllu lofti úr deiginu svo gott er að hnoða ágætlega í stutta stund.
• Skiptið deiginu í tvennt og rúllið út. Gott er að stinga örlítið í það með gaffli áður en þið setjið álegg ofan á botnana.

Samsetning:

• Setjið ólífu olíu á botninn ásamt pizzasósu.
• Því næst setji þið rifinn mozzarellaost yfir alla pizzuna.
• Dreifið kjúklingnum jafnt yfir pizzuna ásamt papriku og rauðlauk.
• Rífið mexikóost og dreifið jafnt yfir pizzuna.
• Bakið við 200 gráður í 10- 12 mínútur eða þar til osturinn hefur náð að bráðna og pizzan full bökuð.
• Setjið svart Doritos yfir pizzuna ásamt avocado.
• Einnig er gott að bera pizzuna fram með rjómaosti, þá er gott að sprauta honum yfir pizzuna.

Höfundur: Thelma Þorbergsdóttir