Tælensk súpa með risarækjum

Skref1

• Byrjið á því að sjóða hrísgrjónin í 2 dl af vatni.
• Gott er að slökkva undir hrísgrjónunum þegar vatnið er alveg að verða búið og setja lokið á pottinn, þannig klárast þau að eldast í gufunni.

Skref2

• Setjið smjör á pönnu, setjið rækjurnar á pönnuna ásamt salti og pipar og steikið þar til þær eru tilbúnar. Passið ykkur að elda þær ekki of mikið því þá verða þær seigar. Gott er að elda þær í um 3 mínútur á hvorri hlið.
• Þegar rækjurnar eru full eldaðar setjið þær í skál og geymið þar til súpan er tilbúin.
• Þeir sem nota eldaðar rækjur þurfa ekki að steikja þær heldur setja þær beint ofan í súpuna.

Skref3

• Skerið lauk, papriku og hvítlauk niður og steikið á pönnunni.
• Rífið engifer saman við og hrærið saman.

Skref4

• Bætið rauðu karrý og karrý saman við ásamt kókosmjólk og rjóma.

Skref5

• Blandið vatni saman við ásamt grænmetisteningunum og hrærið þar til súpan fer að sjóða.
• Gott er að leyfa súpunni að sjóða í rúmar 10 mínútur til að leyfa henni þykkna.

Skref6

• Setjið hrísgrjónin saman við ásamt rækjunum og koriander.

Höfundur: Thelma Þorbergsdóttir