Súkkulaðibollur með bananasplitt rjóma og hvítu súkkulaði

Súkkulaðibollur

• Hitið ofninn í 200°C og setjið smjörpappír á bökunarplötu.
• Hitið vatn og smjör saman í potti þar til smjörið hefur bráðnað. Blandið hveiti, kakói og salti saman við og hrærið rösklega þar til deigið sleppir pottinum alveg.
• Takið pottinn af hellunni, setjið deigið í aðra skál og látið kólna áður en þið setjið eggin saman við.
• Þegar deigið hefur náð að kólna bætið saman við eggjum, einu í senn og hrærið á milli með písk eða sleif.
• Setjið deigið í sprautupoka og sprautið deiginu á bökunarplötuna með jöfnu millibili. Það er líka hægt að setja um 2 msk. fyrir hverja bollu.
• Bakið bollurnar í 20 mínútur. Passa þarf að opna alls ekki ofninn meðan á bakstrinum stendur, eða í það minnsta ekki fyrstu 15 mínúturnar.
• Látið bollurnar kólna alveg áður en sett er á þær. Skerið toppinn af bollunum og setjið fyllinguna í þær.

Fylling og samsetning

• Setjið rjóma og innihald úr Royal búðingnum í skál og hrærið í hrærivél eða með þeytara þar til rjóminn er orðinn þykkur og fínn. Passið að hræra hann ekki of mikið.
• Bræðið hvítt súkkulaði yfir vatnsbaði eða í örbylgjuofni.
• Setjið 1 tsk. af Nutella í botninn á bollunni, setjið rjómafyllinguna á og svo hvítt bráðið súkkulaði ofan á hverja bollu fyrir sig. Fyrir þá sem vilja er fallegt að bera þær fram með súkkulaðispæni.

Höfundur: Thelma Þorbergsdóttir