Súkkulaðibitakökur með ískaldri mjólk

Skref1

• Hitið ofninn í 175°C.
• Þeytið smjör og púðursykur þar til létt og ljóst.
• Bætið eggi og vanilludropum saman við og þeytið áfram, skafið niður á milli.

Skref2

• Hrærið kakó, hveiti, matarsóda og salt saman í skál og setjið saman við smjörblönduna og blandið stutta stund.
• Að lokum má setja 150 g af súkkulaðidropum út í skálina og blanda saman við deigið með sleikju.
• Geymið 50 g af súkkulaðidropum til að nota til skrauts.

Skref3

• Setjið bökunarpappír á tvær ofnplötur.
• Takið þá væna matskeið/kúlu af deigi og raðið á plöturnar. Hafið gott bil á milli.
• Bakið í 11-13 mínútur eða þar til kantarnir fara aðeins að dökkna.

Skref4

• Takið úr ofninum og setjið nokkra súkkulaðidropa ofan á hverja köku á meðan þær eru enn heitar og leyfið að bráðna niður í kökuna.
• Stráið smá sjávarsalti yfir allt í lokin sé þess óskað.
• Njótið smákakanna með glasi af ískaldri mjólk.

Höfundur: Berglind Hreiðarsdóttir