Stökkur cous cous kjúklingur með guacamole og mozzarella

Skref1

• Setjið cous cous í skál og hellið sjóðandi heitu vatninu yfir.
• Því næst setjið þið plastfilmu yfir skálina og látið bíða í 10 mínútur.
• Þá er cous cous-ið tilbúið og gott er að hræra vel upp í því með gaffli.
• Veltið kjúklingnum upp úr hveitinu, dýfið honum ofan í eggjahræruna og síðast í cous cous-ið.
• Steikið kjúklinginn á miðlungs hita og kryddið eftir smekk þar til hann er gegnum steiktur. Það er gott að hafa í huga að ef þið veltið kjúklingnum mikið um pönnuna þá er hætt við að Cous cousið losni af.

Skref2

• Guacamole - aðferð:
• Setijð avocado, kóríander og hvítlauk saman í matvinnsluvél, ásamt sýrða rjómanum og chili.
• Kreistið lime yfir og skerið svo rauðlaukinn og tómatana sér og bætið þeim við eftir á og hrærið vel saman með gaffli.
• Blandið öllu vel saman þar til allt er orðið vel mjúkt.

Skref3

• Þegar rétturinn er borinn fram er best að setja mikið af stökku cous cous ofan á og dreifa mozzarella osti yfir.
• Þennan rétt er einnig hægt að setja í eldfast mót daginn eftir, dreifa mozzarella osti yfir og setja inn í ofn í 15-20 mínútur.

Höfundur: Tinna Alavis