Stökkar smákökur með saltaðri karamellu og súkkulaði

Skref1

• Hrærið saman smjör, sykur og púðursykur þar til blandan verður ljós og létt.
• Bætið eggjarauðunni (geymið hvítuna í skál inni í ísskáp), vanilludropum og súrmjólkinni saman við og hrærið.
• Setjið hveiti, kakó og salt saman í skál og hrærið.
• Bætið þurrefnunum saman við blönduna smátt og smátt í einu og hrærið á litlum hraða þar til allt hefur blandast vel saman. Passið ykkur að hræra þó ekki of mikið.
• Myndið stóra kúlu úr deiginu og setjið á disk, setjið plastfilmu yfir deigið og kælið í rúmar 30 mínútur.

Skref2

• Hitið ofninn í 180 gráðu hita.
• Takið eggjahvítuna úr kæli og hrærið léttilega með gaffli.
• Saxið pekanhnetur og saltkringlur smátt niður og setjið í skál.

Skref3

• Búið til kúlur úr deiginu, um 20 g hver.
• Setjið hverja kúlu ofan í eggjahvítuna og látið leka vel af, rúllið henni svo upp úr pekanhnetublöndunni.
• Setjið kökurnar á bökunarplötu með smjörpappír og búið til holu í miðju kökunnar.
• Bakið í 10 mínútur. Þegar þið takið kökurnar út þarf að þrýsta aftur ofan í miðjuna á hverri köku með skeið svo að holan verði enn til staðar fyrir karamelluna.
• Látið kökurnar kólna alveg áður en þið setjið karamelluna ofan á.

Skref4

• Setjið karamellur og rjóma í skál og bræðið í örbylgjuofni. Gott er að hita þær í um 30 sek. í einu og hræra svo inn á milli.
• Þegar karamellurnar hafa bráðnað er gott að hræra vel og setja svo rúmlega eina tsk. af karamellu ofan á hverja köku, eða þar til holan fyllist.
• Setjið sjávarsalt ofan á karamelluna.

Skref5

• Bræðið súkkulaði yfir vatnsbaði eða inni í örbylgjuofni og sprautið fallega ofan á kökurnar.
• Látið kökurnar bíða aðeins áður en þið setjið þær í box svo karamellan leki ekki.

Höfundur: Thelma Þorbergsdóttir