Stökkar kjúklinga tortillur með buffalo sósu og rjómaosti
Þessar stökku kjúklinga tortillur, öðru nafni kjúklinga taquitos, eru afskaplega einfaldur og fjótlegur huggulegheitamatur sem smellpassar yfir sjónvarpinu á kósýkvöldi. Ég nota tilbúinn eldaðan kjúkling til að flýta fyrir og eftirleikurinn er leikur einn. Það er mjög gott að bera fram kalda sósu eða sýrðan rjóma til hliðar.
Innihald
4 skammtar
eldaður kjúklingur
rjómaostur til matargerðar frá Gott í matinn
rifinn ostur
sterk buffalo sósa, 3-4 msk.
vorlaukur
meðalstórar tortilla kökur, eða 12-16 litlar
olía
•
salt og pipar
Meðlæti
•
límóna og kóríander
•
sýrður rjómi, gráðaosta-, hvítlauks- eða önnur köld sósa eftir smekk
| eldaður kjúklingur | |
| rjómaostur til matargerðar frá Gott í matinn | |
| rifinn ostur | |
| sterk buffalo sósa, 3-4 msk. | |
| vorlaukur | |
| meðalstórar tortilla kökur, eða 12-16 litlar | |
| olía | |
| • | salt og pipar |
| • | límóna og kóríander |
| • | sýrður rjómi, gráðaosta-, hvítlauks- eða önnur köld sósa eftir smekk |
Skref1
- Hitið ofn í 180 gráður með blæstri.
- Rífið kjúklinginn niður eða skerið smátt.
- Skerið vorlaukinn smátt.
Skref2
- Blandið kjúklingi, rjómaosti, rifnum osti, buffalo sósu og vorlauk saman í skál og smakkið til með salti og pipar.
- Skiptið blöndunni jafnt á tortilla kökurnar og rúllið upp.
Skref3
- Leggið vefjurnar á bökunarplötu, penslið með smá olíu og bakið í 15-20 mínútur eða þar til gullinbrúnar og stökkar.
- Berið fram heitar með kaldri sósu að eigin vali, límónubátum og auka buffalo sósu.
Höfundur: Helena Gunnarsdóttir