Snittur með mozzarella
Einstaklega einfaldar og ljúffengar snittur sem henta vel sem forréttur eða smáréttur á veisluborðið eða í saumaklúbbinn, nú eða bara sem léttur kvöldmatur þegar þannig liggur á þér.
Innihald
20 skammtar
stórt snittubrauð
hvítlauksrif
Mozzarellaperlur í dós (180 g)
kirsuberjatómatar, skornir í tvennt
fersk basilíka, handfylli
rauðlaukur, smátt saxaður
balsamikgljái
ólífuolía
salt og pipar
| stórt snittubrauð | |
| hvítlauksrif | |
| Mozzarellaperlur í dós (180 g) | |
| kirsuberjatómatar, skornir í tvennt | |
| fersk basilíka, handfylli | |
| rauðlaukur, smátt saxaður | |
| balsamikgljái | |
| ólífuolía | |
| salt og pipar |
Skref1
- Skerið snittubrauðið niður í 20-25 sneiðar.
- Smyrjið ofnskúffu vel með virgin ólífuolíu, raðið sneiðunum þar á og penslið einnig vel af ólífuolíu yfir þær, bakið við 200°C í um 5 mínútur eða þar til sneiðarnar fara að gyllast.
- Raðið þeim þá á disk, nuddið hvítlauksrifi yfir hverja sneið og geymið þar til annað er tilbúið.
Skref2
- Klippið niður handfylli af ferskri basilíku.
- Hrærið saman mozzarellaperlum, tómötum, basilíku og svolítið af ólífuolíu. Kryddið til með salti og pipar.
- Setjið vel af blöndu á hverja brauðsneið og "drisslið" síðan balsamikgljáa yfir að lokum.
Höfundur: Berglind Hreiðarsdóttir