S'mores bollakökur

Kexbotn

• Hitið ofninn í 180 gráður og raðið bollakökuformum í bökunarform.
• Setjið hafrakex, sykur og smjör saman í matvinnsluvél og látið hana vinna þar til kexið er orðið fínmalað og allt hefur blandast vel saman.
• Setjið um 1 msk. af hafrakexi ofan í hvert bollakökuform og þrýstið niður í botninn.
• Setjið inn í ofn og bakið í 8 mínútur.

Bollakökur

• Setjið hveiti, kakó, lyftiduft, matarsóda og salt saman í skál og blandið saman og setjið til hliðar.
• Setjið egg, sykur, púðursykur, olíu, vanilludropa og súrmjólk saman í aðra skál og hrærið þar til allt hefur blandast vel saman.
• Hellið því saman við þurrefnin og hrærið með písk eða sleif þar til allt hefur blandast vel saman.
• Hellið deiginu í formin ofan á hafrakexbotninn þar til formin eru hálf full. Passið ykkur að setja ekki of mikið í hvert form svo kakan flæði ekki upp úr við bakstur.
• Bakið í 15 mínútur eða þar til tannstöngull kemur næstum þurr upp úr miðju kökunnar.
• Á meðan þið bakið kökurnar skulu þið undirbúa kremið.

Krem

• Setjið eggjahvítur, sykur og cream of tarter saman í skál, best er að nota ál skál eða skál sem þolir hita.
• Setjð vatn í pott og sjóðið vatnið. Setjið skálina ofan á pottinn og hrærið stanslaust í eggjahvítublöndunni þar til sykurinn hefur náð að bráðna alveg og blandan orðin ljós og létt. Þetta gæti tekið 6-10 mínútur.
• Hellið blöndunni í hrærivél og hrærið þar til blandan er orðin stíf og stendur, blandið þá vanilludropum saman við og hrærið þar til allt hefur blandast vel saman.
• Setjið kremið í sprautupoka (ég notaði hringlaga stóran stút) og sprautið kreminu á kökurnar.
• Bræðið súkkulaði og setjið ofan á kremið ásamt hökkuðu hafrakexi.

Höfundur: Thelma Þorbergsdóttir