Smjördeigssnúðar með pestó, hráskinku og Óðals Tind
Ég hef aldrei búið til nóg af þessum snúðum því þeir hverfa jafn hratt og þeir mæta á borðið, vinsælir hjá ungum sem öldnum. Það er sniðugt að kaupa upprúllað tilbúið smjördeig og fylla með góðgæti og góðum osti. Svo má geyma það tilbúið í kæli og skera svo niður og baka rétt áður en á að bera fram.
Innihald
1 skammtar
upprúllað tilbúið smjördeig
grænt pestó
hráskinka
Óðals Tindur, rifinn
egg
| upprúllað tilbúið smjördeig | |
| grænt pestó | |
| hráskinka | |
| Óðals Tindur, rifinn | |
| egg |
Aðferð
- Hitið ofn í 200 gráður með blæstri.
- Rúllið smjördeiginu út og smyrjið með pestó.
- Rífið skinkuna aðeins niður og dreifið yfir ásamt ostinum.
- Rúllið deiginu upp á lengri hliðina. Skerið í u.þ.b. 1,5 cm breiða snúða og raðið á bökunarplötu.
- Pískið egginu saman og penslið yfir snúðana.
- Bakið í 15-17 mínútur eða þar til gullinbrúnir.
Höfundur: Helena Gunnarsdóttir