Skyrskál með Ísey skyri
Mér finnst ótrúlega gaman að búa til skyrskálar, rétt eins og með boost þá er þetta ansi fín leið til að koma góðri næringu í börn. Þú þarft ekki að eiga mjög kröftugan blandara í þetta, þú getur látið frosnu ávextina bíða á borði í um 5 mínútur og þá er enginn vandi að blanda þessu saman.
Innihald
1 skammtar
Ísey skyr með jarðarberjum og hvítu súkkulaði
frosin hindber
frosin bláber
frosið mangó
Toppur
múslí
kókosmjöl
jarðarber
| Ísey skyr með jarðarberjum og hvítu súkkulaði | |
| frosin hindber | |
| frosin bláber | |
| frosið mangó |
| múslí | |
| kókosmjöl | |
| jarðarber |
Aðferð
- Þú tekur í byrjun frá nokkur ber til að nota sem skraut, blandar annars innihaldsefnunum saman í blandara og setur í skál.
- Skálin er svo skreytt með múslí, kókosmjöli og berjum, eða því sem þér finnst gott.
- Sumum finnst gott að setja banana, hampfræ, rúsínur, döðlur eða hnetusmjör sem skraut, möguleikarnir eru margir.
- Ég bætti aukalega í mína skál, 15 g af múslí, 3 g af kókosmjöli og 15 g af jarðarberjum.
- Það er mjög auðvelt að auka kolvetnin með því að setja meira magn af frosnum ávöxtum, svo má líka auka við próteinið með því að bæta próteindufti út í.
Næringargildi
- Fyrir þau sem að telja macros fylgir skráning næringargilda með og á hún við skyrskálina (skyr og frosnir ávextir) en skrá þarf aukalega það sem þú velur að setja ofan á, t.d. múslí, ber, ávexti eða kókosmjöl.
- Næring í 100 g: Kolvetni: 27,2 g - Prótein: 16,4 g - Fita: 7,8 g - Trefjar: 5,7 g.
- Þú finnur þessa skráningu í Myfitnesspal appinu með því að leita að: Helga Magga eða skyrskál.
Höfundur: Helga Magga