Skinkuhorn með rjómaostafyllingu

Skref1

• Bræðið smjörið í potti og hellið mjólkinni saman við. Hitið þar til ylvolgt, alls ekki of heitt.
• Hellið yfir í skál/könnu og verið viss um að geta sett fingurinn í mjólkina án þess að finnast hún of heit.
• Hrærið þá þurrgerið saman við og leyfið að standa á meðan þið vigtið önnur hráefni. Blandan ætti að freyða örlítið.

Skref2

• Vigtið hveiti, sykur og salt í hrærivélarskálina og setjið krókinn á (einnig hægt að hnoða í höndunum í stórri skál).
• Hellið mjólkurblöndunni saman við og hnoðið í nokkrar mínútur.
• Penslið skál að innan með matarolíu og veltið deigkúlunni upp úr olíunni, plastið og leyfið að hefast í 40 mínútur. Deigið ætti að tvöfalda stærð sína á þessum tíma.
• Gott er að útbúa fyllinguna á meðan deigið hefast.

Skref3

• Skerið skinkuna í litla bita og blandið saman við báðar tegundir af osti og rjómaost í skál.
• Skiptið deiginu í 5 hluta og fletjið hvern og einn út í hring sem er um það bil jafn stór og hefðbundinn matardiskur.
• Skerið það næst niður með pizzaskera/hníf svo úr verði átta hlutar.
• Setjið kúfaða teskeið af fyllingu við breiðari endann og rúllið síðan varlega upp.
• Mikilvægt er síðan að snúa upp á hornin til að koma í veg fyrir að fyllingin leki úr við baksturinn.

Skref4

• Raðið hornunum næst á bökunarpappír á bökunarplötu (um 9-12 stykki á hverja plötu) og hitið ofninn í 200°C.
• Leyfið þeim að hefast aftur í um 15-20 mínútur, penslið þá með pískuðu eggi og stráið birkifræjum yfir.
• Bakið í 10-15 mínútur eða þar til hornin fara að gyllast.

Höfundur: Berglind Hreiðarsdóttir