Sítrónukjúklingur með Salatosti

Skref1

• Hitið ofn í 220 gráður.
• Setjið allt hráefnið í skál (kjúklingur og marinering) og blandið vel.
• Gott að leyfa þessu að standa aðeins og marinerast. Má gera fyrirfram.
• Hitið 1 msk. af olíu á stórri pönnu á meðalhita.
• Setjið kjúklinginn á pönnuna ásamt marineringunni og steikið hann þar til hann fær á sig gylltan lit.

Skref2

• Takið kjúklinginn af pönnunni og setjið á disk.
• Bætið olíu og smjöri á pönnuna.
• Leggið sítrónusneiðarnar á pönnuna og steikið aðeins á báðum hliðum.
• Takið sítrónuna af pönnunni og hrærið orzo saman við olíuna á pönnunni þannig að það steikist smá og verði þakið olíu.

Skref3

• Hellið soði á pönnuna til að búa til sósuna og setjið salatið saman við ásamt sítrónusafa.
• Saltið og piprið blönduna eftir smekk. Komið upp suðu og hrærið vel.
• Setjið kjúklingabitana á pönnuna og leggið sítrónusneiðarnar yfir.
• Dreifið Salatostinum yfir allt að lokum.
• Setjið í heitan ofninn í um 15 mínútur eða þar til kjúklingurinn er eldaður í gegn.

Skref4

• Það má bera fram aukalega ostasósu með réttinum ef vilji er til.
• Þá er Salatostur ásamt grískri jógúrt, smá hvítlauk og sítrónusafa hrærður í blandara þar til sósan er silkimjúk og hún smökkuð til með salti og pipar.
• Að sjálfsögðu er svo gott að hafa brauð með réttinum til að dýfa í.

Höfundur: Halla Bára Gestsdóttir