Sítrónu skyrkaka með blönduðum berjum
Þessi skyrkaka er bæði fljótleg og fersk þar sem Ísey skyr með vanillu, þeyttur rjómi og sítróna eru í aðalhlutverkum og berin setja punktinn yfir i-ið. Berjunum er raðið svo þau myndi íslenska fánann og þannig fáum við þjóðlega og skemmtilega stemningu á veisluborðið.
Innihald
1 skammtar
heilhveiti- eða hafrakex eftir smekk
bráðið smjör
rjómi frá Gott í matinn
vanilludropar
flórsykur
sítróna
Ísey skyr vanillu
fersk jarðarber
bláber
| heilhveiti- eða hafrakex eftir smekk | |
| bráðið smjör | |
| rjómi frá Gott í matinn | |
| vanilludropar | |
| flórsykur | |
| sítróna | |
| Ísey skyr vanillu | |
| fersk jarðarber | |
| bláber |
Skref1
- Myljið kexið í matvinnsluvél og bræðið smjörið.
- Blandið saman í skál og hellið í eldfast mót.
- Þrýstið niður í botninn og aðeins upp á kanta.
- Áferðin á að minna á blautan sand.
Skref2
- Stífþeytið rjómann með vanillunni og flórsykrinum.
- Raspið börkinn af sítrónunni saman við og kreistið safann úr sítrónunni saman við rjómann.
- Setjið skyrið saman við rjómablönduna og hrærið varlega saman með sleikju.
- Takið frá um 2 dl af fyllingunni og smyrjið restinni yfir kexbotninn.
Skref3
- Skerið jarðarberin smátt og raðið þeim í fánakross yfir fyllinguna.
- Setjið það sem þið tókuð frá af fyllingunni í sprautupoka og sprautið litlar doppur meðfram jarðarberjunum.
- Raðið því næst bláberjunum í ferninga og ljúkið þannig við íslenska fánann.
- Látið kökuna taka sig í nokkra tíma í kæli og njótið síðan með ykkar allra besta fólki.
Höfundur: Valgerður Gréta Gröndal