Silkimjúk sætkartöflusúpa

Skref1

• Byrjið á að skera allt grænmeti í litla bita.
• Setjið hvítlauk og lauk í pott og steikið upp úr olíunni.
• Bætið smám saman restinni af grænmetinu í pottinn ásamt kryddinu.

Skref2

• Setjið vatnið út í pottinn og látið súpuna sjóða við vægan hita í 20-30 mínútur eða lengur.
• Þegar grænmetið er allt orðið mjúkt er kotasælan sett út í súpuna og súpan svo maukuð með töfrasprota svo hún verði silkimjúk.
• Mjög gott að setja smá sýrðan rjóma yfir súpuna og rifinn ost, ég set það á borðið svo hver og einn geti fengið sér.

Skref3

• Til að fá meiri fyllingu í súpur set ég oft smá pasta út í súpur fyrir krakkana. Til að auka próteinmagnið er sniðugt að notast við próteinpasta til að bæta út í. Einnig er mjög gott að harðsjóða egg og setja út í súpuna til að auka bæði fitu og prótein.
• Svo er einnig sniðugt að búa til próteinríkt hvítlauksbrauð með því að nota uppskriftina að próteinpizzunni, búa til lítil brauð, pensla með eggjahvítu og strá hvítlauksdufti ofan á og smá salti.

Næringargildi

• Fyrir þau sem að telja macros fylgir skráning næringargilda með.
• Næring í 100 g: Kolvetni: 7,2 g - Prótein: 3,6 g - Fita: 1,7 g - Trefjar: 1,4 g.
• Þú finnur þessa skráningu í Myfitnesspal appinu með því að leita að: Helga Magga eða sætkartöflusúpa.

Höfundur: Helga Magga