Menu
Sernik ostakaka frá Póllandi

Sernik ostakaka frá Póllandi

Hér er á ferðinni ostakaka að pólskum sið en Twaróg osturinn er vinsæl ostategund í Póllandi og á milli þess að vera kotasæla og rjómaostur. Uppskriftin er fengin að láni frá Everyday Delicious og kakan smakkast mjög vel. Súkkulaðibotninn og toppurinn gerir mikið fyrir hana en hún er í eðli sínu ekki mjög sæt og rjómkennt ostabragð skín vel í gegn.

Innihald

1 skammtar

Botn og toppur

hveiti
bökunarkakó
sykur
lyftiduft
salt
smjör (kalt í teningum)
eggjarauða
súrmjólk
vanilludropar

Ostakökufylling

smjör við stofuhita
eggjarauður
sykur (tvískiptur)
íslenskur Twaróg ostur frá MS
vanilludropar
appelsínubörkur
eggjahvítur
vanillubúðingsduft (Royal)

Botn og toppur

  • Blandið þurrefnunum fyrst saman og hellið þá restinni af hráefnunum saman við.
  • Hnoðið saman í höndunum. Smjörið mýkist aðeins upp við það og hnoðið þar til þið náið að þjappa allt vel saman.
  • Skiptið deiginu þá niður, c.a 2/3 og 1/3. Setjið báða hluta í plastfilmu og þann minni í frystinn (til að rífa ofan á toppinn síðar) og þann stærri í kæli í um 40 mínútur.
  • Hitið þá ofninn í 180°C.
  • Setjið bökunarpappír í botninn á 24-26 cm stóru springformi og spreyið næst með matarolíuspreyi.
  • Takið deigið úr kælinum, linið það aðeins upp með því að hnoða það og þjappið því næst yfir botninn og örlítið upp á hliðarnar.
  • Bakið í 15 mínútur og útbúið ostakökufyllinguna á meðan.

Ostakökufylling

  • Þeytið saman smjör, eggjarauður og helminginn af sykrinum þar til létt og ljóst.
  • Setjið á meðan Twaróg ostinn í skál og hnoðið/jafnið aðeins í höndunum svo hann losni vel í sundur og verði jafnari.
  • Bætið honum ásamt vanilludropum og appelsínuberki saman við smjörblönduna, skafið vel niður á milli.
  • Þeytið eggjahvíturnar í annarri skál ásamt restinni af sykrinum þar til topparnir halda sér, bætið þá vanillubúðingsduftinu saman við og hrærið saman stutta stund í viðbót.
  • Vefjið til að byrja með um ¼ af eggjahvítublöndunni saman við ostablönduna með sleikju.
  • Bætið restinni síðan saman við í nokkrum skömmtum og blandið áfram varlega saman.
  • Hellið að lokum ostablöndunni yfir kexbotninn sem búið er að taka úr ofninum.
  • Rífið að lokum deigið sem er búið að vera í frystinum niður með grófu rifjárni og dreifið yfir ostakökufyllinguna.
  • Bakið í 70 mínútur og leyfið síðan að kólna í að minnsta kosti 3 klukkustundir áður en þið takið úr forminu.
Ostakökufylling

Höfundur: Berglind Hreiðarsdóttir