Saltkringlubollur með heitri rjómaostaídýfu

Skref1

• Hrærið þurrgeri saman við sykur og volgt vatn og leyfið að standa á meðan þið vigtið önnur hráefni í bollurnar.
• Blandið saman hveiti, salti, hunangi og ólífuolíu og hellið þurrgersblöndunni saman við. Hrærið stutta stund með króknum á hrærivélinni og síðan í höndunum (eða aðeins í höndunum).

Skref2

• Penslið skál að innan með ólífuolíu, veltið deigkúlunni upp úr henni, plastið skálina og leyfið deiginu að hefast í að minnsta kosti klukkustund.
• Skiptið þá deiginu niður í 16 einingar og mótið litlar bollur.

Skref3

• Hellið sjóðandi heitu vatni yfir matarsóda í skál og veltið hverri bollu upp úr sjóðandi vatninu og raðið næst í kantana á kringlóttu eldföstu móti/pönnu.
• Skerið smá kross ofan á hverja bollu og stráið salti yfir.

Skref4

• Útbúið rjómaostaídýfuna.
• Hrærið öllum ostategundunum saman í skál og smyrjið síðan yfir miðjuna á eldfasta mótinu.
• Bakið við 190°C í 17-20 mínútur eða þar til bollurnar eru orðnar vel gylltar og osturinn bráðinn.

Höfundur: Berglind Hreiðarsdóttir