Sælkerabolla Elenoru

Skref1

• Byrjið á að undirbúa rjómann því hann þarf að standa áður en hann er þeyttur.
• Hitið rjómann upp að suðu.
• Hellið rjómanum yfir súkkulaðið og hrærið saman.
• Setjið í kæli og leyfið blöndunni að kólna vel.

Skref2

• Búið næst til vatnsdeigsbollurnar.
• Hitið mjólkina, vatnið, smjörið og sykurinn upp að suðu.
• Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
• Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
• Hrærið saman eggin og saltið til að brjóta upp eggin og blanda þeim vel saman við saltið.
• Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.

Skref3

• Sprautið deiginu á pappírsklædda plötu með góðu millibili.
• Stillið ofninn á 220°C.
• Þegar ofninn er tilbúin eru bollurnar settar inn í ofninn og hitinn lækkaður í 190°C í 15 mínútur.
• Eftir 15 mínútur er hitinn lækkaður í 170°C og bollurnar bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan

Skref4

• Búið næst til karamelluna en þá byrjið þið á að brúna sykur í potti. Leyfið honum að bráðna alveg en passið að hann fari ekki að brenna.
• Bætið rjómanum saman við í mjórri bunu og passið að hræra vel á meðan.
• Þegar karamellan hefur þykknað er smjörinu, saltinu og súkkulaðinu bætt saman við og brætt þar til allt er komið vel saman.

Skref5

• Þeytið nú súkkulaðirjómann þangað til hann er orðinn léttur, varist að ofþeyta rjómann.
• Setjið karamellu og hnetusmjör í botninn á bollunum. Setjið þar næst súkkulaðirjóma á bollurnar og ristaðar salthnetur ofan á hann. Lokið bollunni, sigtið kakó yfir og njótið!

Höfundur: Elenora Rós Georgesdóttir