Rjómalöguð sveppasúpa með brauði og hrærðu smjöri

Skref1

• Setjið smjör í pott og bræðið.
• Skerið sveppina niður og steikið upp úr smjörinu þar til þeir verða fallega brúnir að lit.
• Saxið hvítlaukinn smátt niður og blandið saman við.

Skref2

• Setjið hveiti saman við og hrærið vel.
• Hellið vatni saman við og hrærið þar til blandan er orðin slétt og fín.
• Hellið rjómanum saman við ásamt grænmetis- og sveppakrafti og leyfið súpunni að malla aðeins.
• Setjið soya sósu saman við ásamt salti og pipar eftir smekk.

Skref3

• Setjið ferskt timjan út í súpuna og látið súpuna sjóða yfir lágum hita í nokkrar mínútur.
• Fyrir ykkur sem viljið mauka sveppina er gott að nota töfrasprota til þess.

Skref4

• Þá er komið að hrærða smjörinu.
• Setjið smjör í skál ásamt rjóma og salti og hrærið þar til smjörið er orðið vel þeytt og mjúkt.
• Berið fram með baguette eða öðru brauði ásamt súpunni.

Höfundur: Thelma Þorbergsdóttir