Risarækjupasta með pestó og pistasíuhnetum

Skref1

• Sjóðið pastað í vel söltu vatni samkvæmt leiðbeiningum á umbúðum. Geymið um 1 dl af pastasoðinu áður en vatninu er hellt af.
• Bræðið 20 g af smjöri á stórri pönnu við meðalháan hita.
• Bætið tveimur fínsöxuðum hvítlauksgeirum út á og steikið í um 30 sekúndur, þar til hvítlaukurinn fer að ilma. Gætið þess að hann brenni ekki.

Skref2

• Bætið risarækjunum á pönnuna og kryddið með salti og chiliflögum. Steikið í um 2–3 mínútur á hvorri hlið, eftir stærð, þar til þær eru bleikar, ógagnsæjar og fulleldaðar.
• Takið rækjurnar af pönnunni og leggið til hliðar.
• Lækkið hitann og bætið 10 g af smjöri á sömu pönnu ásamt tveimur fínsöxuðum hvítlauksgeirum. Steikið létt í stutta stund.
• Hellið rjómanum saman við og látið hitna rólega.
• Hrærið rifnum Goðdala Feyki/parmesanosti og grænu pestói saman við þar til sósan er mjúk og rjómakennd.
• Kryddið með chiliflögum, salti og pipar eftir smekk.

Skref3

• Grófsaxið pistasíukjarnana og bætið út í sósuna.
• Bætið soðna pastanu út í sósuna og veltið því saman þar til það er vel hjúpað. Setjið risarækjurnar saman við og hitið stuttlega í gegn. Ef sósan er of þykk má bæta við örlitlu pastasoði þar til réttri áferð er náð.
• Berið fram með nýrifnum Goðdala Feyki eða parmesanosti og pistasíukjörnunum.
• Einnig er gott að bera fram með ferskri basilíku og volgu brauði.

Höfundur: Thelma Þorbergsdóttir