Rifsberjabaka með himneskri vanillusósu

Skref1

• Hitið ofn í 170 gráður með blæstri.
• Hreinsið rifsber af stilkunum.
• Blandið saman berjum, sykri og maizenamjöli, öðru nafni maíssterkju.
• Hellið í pæform eða eldfast mót.

Skref2

• Bræðið smjörið og hrærið öllum innihaldsefnunum í deigið vel saman.
• Breiðið deigið yfir berin, deigið er frekar laust í sér og gott að leyfa því að vera dálítið grófu og lauslegu yfir berjunum.
• Bakið í 30-40 mínútur.

Skref3

• Á meðan rifsberjapæið er í ofninum er vanillusósan útbúin.
• Kljúfið vanillustöngina í tvennt og skafið fræin innan úr og setjið í lítinn pott.
• Bætið restinni af hráefnunum í pottinn og pískið öllu mjög vel saman.
• Kveikið undir pottinum á meðalhita og hrærið í pottinum allan tíman þar til suðan kemur upp. Látið malla mjög rólega í eina til tvær mínútur þar til sósan þykknar.
• Sósuna má bera fram volga eða kalda. Hún geymist vel í lokuðu íláti í kæli í 2-3 daga. Ef ykkur finnst hún of þykk er lítið mál að bæta örlitlum rjóma saman við þar til hún þynnist aðeins.
• Berið sósuna fram með heitu rifsberjapæi.

Höfundur: Helena Gunnarsdóttir