Rabarbaraís með hvítu súkkulaði og kexmulningi

Rabarbaramauk

• Stillið ofn á 180°C.
• Skerið rabarbarann gróflega niður í eldfast mót og stráið sykri yfir.
• Setjið álpappír yfir og inn í ofn í 20-30 mín.

Kex

• Setjið hráefnin saman í skál og blandið saman með höndunum.
• Setjið deigið á ofnplötu klædda bökunarpappír.
• Gerið bara litla bita og dreifið yfir plötuna, hér þarf enga nákvæmni.
• Setjið inn í ofn með rabarbaranum og bakið í u.þ.b. 15 mín.
• Takið síðan rabarbarann og kexið út og leyfið að kólna.

Súkkulaði ganache

• Súkkulaði og rjómi sett saman í skál og brætt saman í örbylgjuofni eða yfir vatnsbaði.

Ís

• Setjið rjóma, niðursoðnu mjólkina og vanilludropa saman í hrærivél og hrærið þangað til blandan er léttþeytt, heldur formi en ekki líkt og stífþeyttur rjómi. Blandið þá rabarbaramaukinu saman við, gott er að skilja um 2-3 msk. eftir til að setja ofan á ísinn í lokin.

Samsetning á rabarabaraís

• Takið helming af ísnum og setjið í form eða box með loki og dreifið vel úr honum.
• Hellið þá súkkulaðinu yfir ísinn og dreifið aðeins úr því.
• Þá takið þið helminginn af kexinu og brjótið niður í u.þ.b. munnbita og dreifið yfir ísinn.
• Þá er restin af ísnum sett í formið og kexinu dreift þar yfir ásamt afganginum af rabbabaramaukinu sem fallegt er að dreifa úr með hníf eða prjón til að fá smá áferð í ísinn.
• Setjið lokið á boxið eða plastfilmu yfir formið og setjið í frysti í minnst 4-6 tíma.
• Þegar ísinn er borinn fram er gott að taka hann úr frysti og leyfa honum að þiðna í 20-25 mín.

Höfundur: Guðrún Ýr Eðvaldsdóttir