Pizzarúlla
Skemmtileg útfærsla á pizzu sem kennd er við ítölsku eldfjallaeyjuna Stromboli norður af Sikiley. Ekki ekta ítölsk uppfinning heldur ítölsk- amerísk skotin af Ítölum sem fluttu sig um set yfir til Ameríku fyrir margt löngu. Á milli þess að vera pizza og pizzasnúðar og einfaldlega sérlega ljúffengt. Yngri dóttir mín sagði: „Þetta er hrikalega gott" og búast má við að yngri kynslóðin verði hrifin!
Athugið að sniðugt er að borða afganginn af rúllunni á þann hátt að taka sneiðarnar og hita þær í ofni.
Að sjálfsögðu má setja ýmislegt annað inn í pizzarúlluna en hér er stungið upp á.
Innihald
4 skammtar
pizzadeig
ólífuolía
•
salt og svartur pipar
•
niðursoðnir tómatar eða pizzasósa
•
rifinn pizzaostur frá Gott í matinn
•
rifinn cheddarostur frá Gott í matinn
mozzarella kúla, rifin niður
•
góð skinka
•
salami eða pepperóní
•
sneiddar ólífur, svartar eða grænar
•
jalapeno í þunnum sneiðum
•
grilluð paprika, þunnt sneidd
hrært egg
| pizzadeig | |
| ólífuolía | |
| • | salt og svartur pipar |
| • | niðursoðnir tómatar eða pizzasósa |
| • | rifinn pizzaostur frá Gott í matinn |
| • | rifinn cheddarostur frá Gott í matinn |
| mozzarella kúla, rifin niður | |
| • | góð skinka |
| • | salami eða pepperóní |
| • | sneiddar ólífur, svartar eða grænar |
| • | jalapeno í þunnum sneiðum |
| • | grilluð paprika, þunnt sneidd |
| hrært egg |
Skref1
- Hitið ofn í 220 gráður.
- Fletjið pizzadeig út ef þið eruð með kúlu eða heimalagað deig. Það er ágætt að hafa það frekar jafnt á kanta en ekki hringlaga eins og pizzu.
Skref2
- Smyrjið yfir deigið með ólífuolíu, saltið aðeins og piprið.
- Dreifið úr góðri tómatsósu úr niðursoðnum, ferskum tómötum yfir deigið, eða notið tilbúna pizzusósu.
- Skiljið eftir smá rönd við endann fjær sem verður notaður til að loka rúllunni í lokin.
Skref3
- Dreifið úr rifnum osti yfir deigið, þá cheddar og loks mozzarella.
- Raðið skinku og salami á deigið, ekki vitlaust að raða til skiptis í raðir yfir deigið.
- Dreifið úr ólífum, jalapeno og papriku yfir áleggið.
- Smyrjið endann með hrærðu eggi.
Skref4
- Rúllið upp.
- Byrjið nokkuð þétt til að ná fallegri rúllu.
- Leggið eggjasmurða endann vel að deiginu til að loka rúllunni.
- Látið sárið snúa niður þegar rúllan er bökuð.
Skref5
- Setjið rúlluna á bökunarplötu með bökunarpappír.
- Smyrjið hana með hrærða egginu.
- Stráið rifnum osti eða cheddar yfir.
Skref6
- Setjið rúlluna í 220 gráu heitan ofninn í 10 mínútur.
- Að þeim mínútum liðnum skuluð þið lækka hitann í 180 gráður og baka rúlluna í um 20 mínútur.
- Fylgist vel með henni í ofninum síðustu mínúturnar svo hún brenni ekki eða brúnist of mikið.
- Takið þá úr ofninum og borðið rúlluna heita.
Höfundur: Halla Bára Gestsdóttir