Pizza með rauðrófum, Litla Dímon, valhnetum og hunangi

Skref1

• Ef notað er pizzastál eða pizzasteinn, hitið ofninn eins hátt og hann kemst, helst í 275-300°C. Hitið stálið eða steininn með ofninum í að minnsta kosti 30-45 mínútur og hafið það í næstefstu hillu ofnsins. Ef pizzan er bökuð á venjulegri ofnplötu, hitið ofninn í 220°C.
• Skerið rauðrófurnar í sneiðar eða báta. Ef notaðar eru forsoðnar rauðrófur er gott að þerra þær vel með eldhúspappír. Ef notaðar eru ferskar rauðrófur, pakkið þeim inn í álpappír með örlitlu salti og bakið þar til þær eru mjúkar í gegn. Látið þær kólna aðeins, afhýðið og skerið í sneiðar eða báta.

Skref2

• Mótið pizzuna með höndunum frekar en að nota kökukefli. Smyrjið sýrða rjómanum yfir botninn en skiljið kantinn eftir auðan.
• Dreifið mozzarellaostinum yfir og raðið rauðrófum og bitum af Litla Dímon yfir pizzuna. Stráið örlitlu fersku timjani yfir og dreypið smá ólífuolíu yfir.
• Bakið pizzuna þar til botninn er stökkur, kantarnir hafa tekið fallegan lit og osturinn bráðnað. Á vel heitu pizzastáli getur það tekið um 5 mínútur en á venjulegri ofnplötu allt að 15 mínútur. Ofnar eru misjafnir, svo fylgist vel með pizzunni á meðan hún bakast.

Skref3

• Ristið valhneturnar örlítið á þurri pönnu og grófsaxið þær. Einnig er hægt að dreifa þeim yfir pizzuna síðustu 1-2 mínúturnar af bökunartímanum, en fylgist vel með þar sem þær geta brunnið hratt við háan hita.
• Toppið nýbakaða pizzuna með ristuðum valhnetum, klettasalati, fersku timjani og hunangi. Kryddið með nýmöluðum svörtum pipar og örlitlu flögusalti og berið strax fram.

Höfundur: Helga Ragnarsdóttir