Pizza með kartöflum, spergilkáli og gráðaosti
Ég er varla á eini sem dettur í hug að elda flatbökur í lok vikunnar. Það er bæði fljótlegt og svo ef maður vandar valið á áleggjunum þá getur það verið alveg einstaklega ljúffengt.
Ef maður er alveg að brenna út á tíma - er auðvitað hægt að kaupa tilbúið deig út í búð. En það er líka auðvelt að gera sitt eigið pizzadeig.
Þrungin af bragði. Þessi er fyrir fullorðna fólkið - og er í uppáhaldi hjá mér.
Innihald
4 skammtar
Pizzadeig:
hveiti
volgt vatn
jómfrúarolía
þurrger
sykur
salt
Álegg:
hvítlauksolía (3-4 msk.)
soðnar kartöflur (2-3)
spergilkál
rifinn pizzaostur frá Gott í matinn
gráðaostur frá Gott í matinn
salt og pipar
| hveiti | |
| volgt vatn | |
| jómfrúarolía | |
| þurrger | |
| sykur | |
| salt |
| hvítlauksolía (3-4 msk.) | |
| soðnar kartöflur (2-3) | |
| spergilkál | |
| rifinn pizzaostur frá Gott í matinn | |
| gráðaostur frá Gott í matinn | |
| salt og pipar |
Pizzadeig
- Setjið hveitið í skál, svo saltið og á eftir því olíuna.
- Vekið gerið í volgu vatni ásamt sykrinum.
- Þegar gerið er búið að freyða í um 15 mínútur er hægt að byrja að hella því varlega saman við.
- Hnoðið vandlega í fimm til tíu mínútur.
- Setjið svo viskastykki yfir og setjið til hliðar til að hefast í um klukkustund.
Samsetning
- Penslið botninn með hvítlauksolíu.
- Sáldrið rifnum pizzaosti yfir.
- Raðið svo soðnum kartöflum í sneiðum og á milli spergilkáli í litlum bitnum.
- Sáldrið svo nóg af gráðaosti á milli.
- Bakið í eins heitum ofni og mögulegt er á flatbökusteini.
- Það tryggir af botninn verði stökkur og ljúffengur.
Höfundur: Ragnar Freyr Ingvarsson