Pizza með cheddarosti, karamelluðum lauk, beikoni og eplum

Pizzadeig:

• Í skál fer þurrger, sykur og volgt vatn (um 40 gráðu heitt).
• Þegar gerið fer að freyða þá er hveiti, olíu og salti blandað saman við og hnoðað í kúlu.
• Deigið er sett í skál á heitan stað og rakt viskustykki lagt yfir.
• Deigið er látið hefast í amk. 15 mínútur.

Álegg:

• Beikoni er raðað á bökunarpappír og bakað í ofni á 220 gráðum blæstri þar til það er orðið dökkt og stökkt. Þá er það tekið út, þerrað og mulið niður.
• Fínt skorinn laukurinn er settur á pönnu ásamt smjöri, salti og sykri og látinn malla þar til hann er orðin silkimjúkur og ljósbrúnn.

Samsetning:

• Þegar deigið er tilbúið þá er það flett þar til það verður örþunnt.
• Á pizzuna fer pizza sósa, rifinn cheddar ostur, fínt skorin epli, beikon, laukur og basilika.
• Pizzan er bökuð í 10-12 mínútur á 220 gráðum blæstri eða þar til kantarnir eru brúnleitir.

Höfundur: Gígja S. Guðjónsdóttir