Pavlova með kókos og jarðarberjarjóma

Marengs

• Hitið ofninn í 140 gráðu hita og setja smjörpappír á ofnplötu.
• Hrærið sykur og maísenamjöl saman í skál.
• Hrærið eggjahvítur og salt saman í skál þar til eggjahvíturnar eru farnar að standa.
• Blandið sykrinum rólega saman við, smátt og smátt í einu og hrærið vel saman.
• Bætið mataredikinu og vanilludropum saman við og hrærið stanslaust þar til marengsinn er orðinn silkimjúkur, stífur og stendur.
• Bætið kókósnum saman við og hrærið varlega saman við með sleif.
• Myndið hring á smjörpappírinn, ca 25 cm og gerið úr því marengsskál þannig að marengsinn kemur hærra upp til hliðanna. Ef ykkur finnst það of erfitt er í lagi að gera stóran flatan hring.
• Bakið marengsinn í 50-60 mínútur, eða þar til hann er orðinn þurr viðkomu.
• Slökkvið á ofninum og leyfið botninum að ná stofuhita inni í ofninum. Oft er gott að gera botninn deginum áður og láta hann því vera í ofninum yfir nótt.

Toppur

• Þeytið rjómann þar til hann er orðin stífur og stendur, passið þó að þeyta hann ekki of mikið.
• Blandið flórsykri, vanilludropum og jarðarberjasultu saman við og hrærið með sleif þar til allt hefur blandast vel saman.
• Setjið rjómann á kökuna.
• Grófsaxið kókosbollur og jarðarber og setjið ofan á rjómann.
• Bræðið súkkulaði og slettið því óreglulega yfir kökuna.

Höfundur: Thelma Þorbergsdóttir