Skref1
- Sjóðið pasta samkvæmt leiðbeiningum á pakka.
Skref2
- Skerið pylsur í sneiðar og steikið upp úr ólífuolíu, leggið til hliðar.
- Skerið brokkóli í munnstóra bita og blaðlauk í sneiðar.
Skref3
- Steikið brokkoli upp úr ólífuolíu, kryddið með salti og pipar og setjið þá um 3 msk. af vatni út á pönnuna. Hrærið varlega þar til vatnið gufar upp.
- Þá má bæta smá olífuolíu aftur á pönnuna og bæta blaðlauknum við og steikja þar til hann verður mjúkur.
- Geymið brokkoli og lauk til hliðar á meðan þið útbúið ostasósuna.
Skref4
- Hellið um helming rjómans á pönnuna og rífið Hávarðsostinn út í (Hávarður hét áður Havarti).
- Hrærið vel þar til osturinn er bráðinn og bætið þá restinni af rjómanum saman við.
Skref5
- Kryddið ostasósuna til með salti, pipar og hvítlauksdufti.
Skref6
- Að lokum má hella pylsunum, grænmetinu og pastanu út á pönnuna og hræra öllu saman.
Höfundur: Berglind Hreiðarsdóttir