Ostaköku taco með bláberjasírópi

Skeljar fyrir ostaköku

• Skerið út tortillurnar t.d. með kökuskera eða notið glas á hvolfi og myndið litla hringi úr tortillunum. Hérna er hægt að ráða þeirri stærð sem verða á tacoskelinni. Með því að nota lítið drykkjarglas fái þið um 40 stk.
• Hitið olíu í potti, um 2-3 cm frá botni og hitið yfir meðal háum hita. Passið ykkur að hafa hitann ekki of háan því þá steikist skelin allt of hratt og verður of stökk.
• Setjið sykur og kanil saman í skál og blandið saman.
• Notið töng til að klemma saman tortillukökurnar og dýfið þeim þannig ofan í olíuna, steikið hvora hlið fyrir sig í u.þ.b. 10 sekúndur eða þar til skelin er orðin gullinbrún. Passið að steikja þær ekki of lengi. Með því að klemma tortillakökurnar efst á brúnunum myndast taco skel.
• Dýfið skeljunum strax í kanilsykurinn og passið að setja sykur á báðar hliðarnar.
• Gott er að nota t.d. bollakökuform og snúa þeim á hvolf til að raða tacoskeljunum á og þannig halda þær sér vel eða eins og þér finnst best.

Sítrónu ostakaka

• Þeytið rjómann þar til hann er orðinn stífur og stendur, passið ykkur þó að þeyta hann ekki of mikið. Setjið rjómann í aðra skál og geymið til hliðar.
• Þeytið rjómaostinn og flórsykur saman þar til blandan er orðin mjúk og slétt.
• Bætið sítrónuberki saman við ásamt safa úr sítrónunni. Hrærið þar til allt hefur náð að blandast vel saman.
• Blandið rjómanum saman við rjómaostablönduna og hrærið saman með sleif þar til allt hefur blandast vel saman.
• Setjið lítinn sprautustút í sprautupoka og sprautið ostablöndunni í hverja skel fyrir sig.
• Setjið bláberjasíróp yfir hverja skel fyrir sig.
• Geymist í kæli þar til skeljarnar eru bornar fram.

Bláberjasíróp

• Setjið bláber, vatn og sykur saman í pott yfir meðalháan hita og þar til suða er komin upp.
• Blandið sítrónusafa og maizenamjöli saman við og hrærið vel.
• Látið sjóða yfir lágum hita í rúmar 10-15 mínútur eða þar til sírópið er farið að þykkna.
• Ef ykkur finnst það of þykkt má bæta smá vatni saman við.
• Kælið sírópið áður en þið setjið það ofan á ostaköku tacoið.

Höfundur: Thelma Þorbergsdóttir