Ostabakki með rjómaostarúllu

Aðferð

• Hér til hliðar kemur upptalning á því sem þið finnið á bakkanum en svo er um að gera að láta hugmyndaflugið ráða þegar kemur að því að setja svona bakka saman. Það gilda engar reglur þegar kemur að ostabakkagerð og um að gera að velja það sem ykkur þykir gott og passa vel saman og svo má auðvitað stækka og minnka bakkann eftir þörfum.

Rjómaostarúlla

• Steikið beikonið þar til það verður stökkt og saxið smátt niður.
• Blandið beikoninu saman við rjómaostinn með skeið, setjið blönduna á plastfilmu og mótið nokkurs konar rúllu/breiða pylsu úr henni.
• Plastið, setjið á disk og geymið í kæli í að minnsta kosti 4 klukkustundir eða yfir nótt.
• Saxið vorlaukinn smátt og myljið ostakurlið aðeins niður, blandið þessu saman á disk.
• Takið næst rjómaostarúlluna úr plastinu og veltið upp úr ostakurlinu, geymið í kæli þar til bera á ostarúlluna fram með góðu kexi eða brauði.

Höfundur: Berglind Hreiðarsdóttir