Ostabakki fyrir hrekkjavöku
Halloween er framundan í lok Ostóber og því tilvalið að skella í hræðilegan ostabakka með öllum þínum uppáhalds ostum. Það má að sjálfsögðu leika sér með innihaldið en hér fyrir neðan er listi yfir það sem ég setti á þennan ostabakka.
Innihald
1 skammtar
•
Dala höfðingi
•
Dala Camembert
•
Dala hringur
•
mozzarellakúlur
•
rjómaostur til matargerðar frá Gott í matinn
•
rjómaostur með grillaðri papriku og chilli
•
Óðals Hávarður krydd
•
Marmari
•
nokkrar tegundir af kexi
Hugmyndir að skrauti:
•
Vínber, brómber, saltstangir, augu til skrauts (bökunardeild í matvörubúðum), ferskar döðlur, brætt súkkulaði, kiwi, sulta, ólífur, litlir tómatar, steinselja eða eitthvað annað grænt.
| • | Dala höfðingi |
| • | Dala Camembert |
| • | Dala hringur |
| • | mozzarellakúlur |
| • | rjómaostur til matargerðar frá Gott í matinn |
| • | rjómaostur með grillaðri papriku og chilli |
| • | Óðals Hávarður krydd |
| • | Marmari |
| • | nokkrar tegundir af kexi |
| • | Vínber, brómber, saltstangir, augu til skrauts (bökunardeild í matvörubúðum), ferskar döðlur, brætt súkkulaði, kiwi, sulta, ólífur, litlir tómatar, steinselja eða eitthvað annað grænt. |
Skref1
- Skerið toppinn/efsta lagið af Höfðingja og Camembert.
- Skerið toppinn í mjóar ræmur og leggið ofan á ostinn eins og múmíu.
- Í lokin eru tvö augu sett á ostinn. Ég setti smá sultu á Camembertinn þar sem munnur ætti að vera og skar ræmuna í oddhvassa bita fyrir tennur.
Skref2
- Setjið sultu í miðjuna á Dala hringnum og skreytið með gervi kóngulóm.
- Smyrjið rjómaostinum á brettið á víxlið, setjið smá sultudoppur ofan á og svo augu. Stingið saltstöngum í rjómaostinn rétt fyrir ofan augun til að mynda horn.
- Takið steina úr nokkrum döðlum, skerið þær í tvennt og setjið hálfar döðlur á nokkur kex. Bræðið smá súkkulaði, setjið í lítinn nestispoka og klippið pínulítið gat á eitt hornið. Sprautið súkkulaði lappir á kexið líkt og fætur á pöddu. Þessi samblanda er mjög góð á bragðið og enn betri með osti.
Skref3
- Hellið vatninu af mozzarella kúlunum, skerið ólífur og gerið smá gat í miðjuna á mozzarella kúlunum. Setjið enda af ólífu í miðjuna á mozzarella kúlu svo þær verði eins og augasteinar. Ég setti svo smá sultu ofan á.
- Skolið ber, þerrið og límið augu á með bræddu súkkulaði.
- Skerið nokkrar sneiðar af Marmara og Hávarði eru í kassa og búið til ostapinna með ólífum og litlum tómötum.
Skref4
- Raðið öllu á bakka og fyllið upp með alls kyns kexi.
- Skerið kiwi í víxl og notið sem skraut á bakkanum.
- Ég setti smá auka sultu í litla skál í miðju bakkans.
- Í lokin er alltaf fallegt að skreyta með einhverju grænu eða öðrum litum. Ég var með ferska steinselju sem ég raðaði á bakkann.
Höfundur: Helga Magga