Osta taco með hvítlaukssmjöri

Skref1

• Byrjið á því að útbúa hvítlaukssmjörið með því að bræða smjör, rífa niður hvítlauk og saxa kóríander. Penslið botninn á ofnskúffu með smjörinu (til að raða tortillunum beint á).
• Hitið ofninn í 200°C.

Skref2

• Saxið niður laukinn og steikið ásamt hakkinu upp úr ólífuolíu. Kryddið með taco kryddi, salti, pipar og hvítlauksdufti.
• Þegar hakkið er steikt má bæta tómatpúrru, vatni og krafti á pönnuna ásamt báðum tegundum af baunum og blanda vel saman.

Skref3

• Skerið tortilla kökurnar í tvennt, setjið um 2 msk. af hakkblöndu á miðjuna á hverri og vel af rifnum osti. Brjótið hliðarnar þétt yfir miðjuna svo úr verði þríhyrnt taco og leggið í penslaða ofnskúffuna. Penslið síðan aftur yfir tortilla kökurnar með hvítlaukssmjöri og toppið með rifnum osti.
• Bakið í um 15 mínútur eða þar til kantarnir fara aðeins að gyllast.
• Njótið með fersku guacamole, salsasósu og nachos flögum.

Höfundur: Berglind Hreiðarsdóttir